മലേഷ്യയോട് തോല്‍വി, വെള്ളി മെഡലുമായി ഇന്ത്യയ്ക്ക് മടക്കം

- Advertisement -

യൂത്ത് ഒളിമ്പിക്സില്‍ വെള്ളി മെഡലുമായി മടങ്ങി ഇന്ത്യന്‍ പുരുഷ ഹോക്കി ടീം. ഹോക്കി 5s ഫൈനലില്‍ മലേഷ്യയോടാണ് ഇന്ത്യ കീഴടങ്ങിയത്. 10 മിനുട്ടിന്റെ രണ്ട് പകുതിയിലായി നടക്കുന്ന മത്സരത്തില്‍ ആദ്യം ലീഡ് നേടുന്നത് ഇന്ത്യയായിയരുന്നു. വിവേക് സാഗര്‍ 2, 5 മിനുട്ടുകളില്‍ ഇന്ത്യയ്ക്കായി ഗോളുകള്‍ നേടിയപ്പോള്‍ ആദ്യ പകുതിയില്‍ മലേഷ്യയുടെ ഗോള്‍ നേടിയത് ഫിര്‍ദൗസ് ആയിരുന്നു. അഞ്ചാം മിനുട്ടിലാണ് ഈ ഗോള്‍ പിറന്നത്. ആദ്യ പകുതിയില്‍ ഇന്ത്യ 2-1നു മുന്നിലായിരുന്നു.

രണ്ടാം പകുതിയുടെ 13ാം മിനുട്ടില്‍ അക്കിമുള്ളയിലൂടെ മലേഷ്യ സമനില ഗോള്‍ നേടി. 17ാം മിനുട്ടില്‍ ഇഷാക് ആരിഫ് ടീമിനു ലീഡ് നേടിക്കൊടുത്തപ്പോള്‍ അക്കിമുള്ള തന്റെ രണ്ടാം ഗോള്‍ തൊട്ടടുതത് മിനുട്ടില്‍ നേടി 4-2 എന്ന സ്കോറിനു മലേഷ്യയെ സ്വര്‍ണ്ണമണിയിച്ചു.

Advertisement