ഡൽഹിയിൽ നടന്നുകൊണ്ടിരിക്കുന്ന വനിതാ ലോക ബോക്സിംഗ് ചാമ്പ്യൻഷിപ്പിൽ ഇന്ത്യക്ക് ആദ്യ മെഡൽ ഉറപ്പായി. അഭിമാന നിമിഷത്തിൽ ബോക്സർ നിതു ഗംഗാസ് ആണ് രാജ്യത്തിനായി ആദ്യ മെഡൽ ഉറപ്പിച്ചത്. 48 കിലോഗ്രാം വിഭാഗത്തിൽ മത്സരിച്ച നിതു, മുൻ ലോക മെഡൽ ജേതാവ് ജപ്പാന്റെ മഡോക വാഡയെ ക്വാർട്ടർ ഫൈനലിൽ ആർഎസ്സിയിലൂടെ പരാജയപ്പെടുത്തി. സെമിയിൽ പ്രവേശിച്ചതോടെയാണ് ഇന്ത്യ മെഡൽ ഉറപ്പിച്ചത്.
ചാമ്പ്യൻഷിപ്പിൽ നിതുവിന്റെ സ്ഥിരതയാർന്ന പ്രകടനങ്ങൾ മെഡൽ പ്രതീക്ഷ നൽകിയിരുന്നു. ഇതുവരെയുള്ള എല്ലാ മത്സരങ്ങളും ആർഎസ്സി വഴിയാണ് അവൾ വിജയിച്ചത്.
