സിംഗപ്പൂര്‍ ഗ്രാന്‍ഡ് പ്രീയിലും വിജയം തുടര്‍ന്ന് ലൂയിസ് ഹാമിള്‍ട്ടണ്‍. ഇതോടെ ചാമ്പ്യന്‍ഷിപ്പില്‍ സെബാസ്റ്റ്യന്‍ വെറ്റലിനെക്കാള്‍ 40 പോയിന്റിന്റെ ലീഡ് നേടുവാന്‍ മെഴ്സിഡസിന്റെ ബ്രിട്ടീഷ് താരത്തിനു സാധിച്ചു. ആറ് റേസുകള്‍ മാത്രം ശേഷിക്കെ ഹാമിള്‍ട്ടണ്‍ തന്റെ അഞ്ചാം ലോക ചാമ്പ്യന്‍ഷിപ്പിലേക്ക് കുതിയ്ക്കുകയാണെന്ന് ഏറെക്കുറെ വ്യക്തമായിട്ടുണ്ട്.
റെഡ്ബുള്ളിന്റെ മാക്സ് വെര്‍സ്റ്റാപ്പന്‍ രണ്ടാമതും ഫെരാരിയുടെ സെബാസ്റ്റ്യന്‍ വെറ്റല്‍ മൂന്നാമതായും റേസ് അവസാനിപ്പിച്ചു. വാള്‍ട്ടേരി ബോട്ടാസ് നാലാമതും കിമ്മി റൈക്കണന്‍ അഞ്ചാമനായും സിംഗപ്പൂരില്‍ റേസ് അവസാനിപ്പിച്ചു.
