ലോക ചാമ്പ്യൻ മാഗ്നസ് കാൾസനെ തോൽപ്പിക്കുന്ന ഏറ്റവും പ്രായം കുറഞ്ഞ താരമായി ഇന്ത്യയുടെ 16 കാരൻ ഗ്രാന്റ് മാസ്റ്റർ ഗുകേഷ് ഡി. എയിം ചെസ് റാപ്പിഡ് ഓൺലൈൻ ടൂർണമെന്റിൽ ഒമ്പതാം റൗണ്ടിൽ വലത് കരുക്കളും ആയി കളിച്ച ഗുകേഷ് കാൾസനെ തോൽപ്പിക്കുക ആയിരുന്നു. ഇന്നലെ ഇതേ ടൂർണമെന്റിൽ ഇന്ത്യയുടെ അർജുനും കാൾസനെ തോൽപ്പിച്ചിരുന്നു
16 വയസ്സും നാലു മാസവും 20 ദിവസവും പ്രായമുള്ള ഗുകേഷ് ഇന്ത്യയുടെ തന്നെ പ്രഗ്യാനന്ദയുടെ നേട്ടം ആണ് മറികടന്നത്. വലിയ അബദ്ധം കാണിച്ച കാൾസൻ മത്സരത്തിൽ തോൽവി സമ്മതിക്കുക ആയിരുന്നു. എന്നാൽ ഇതിന് ശേഷം നടന്ന റൗണ്ടിൽ ജയം നേടാൻ ഗുകേഷിന് ആയില്ല. നിലവിൽ ടൂർണമെന്റിൽ 12 റൗണ്ടുകൾക്ക് ശേഷം ഗുകേഷ് മൂന്നാം സ്ഥാനത്തും അർജുൻ നാലാം സ്ഥാനത്തും നിൽക്കുകയാണ്.
