പ്രൊകബഡി ലീഗിൽ ഇന്ന് നടന്ന ആദ്യ മത്സരത്തിൽ അത്യന്തം ആവേശം കണ്ടപ്പോള്‍ പിറന്നത് 96 പോയിന്റ്. പ്രൊകബഡി ചരിത്രത്തിൽ തന്നെ ഏറ്റവും അധികം പോയിന്റ് പിറന്ന മത്സരത്തിൽ ഗുജറാത്ത് ജയന്റ്സ് യുപി യോദ്ധാസിനെതിരെ വിജയം കുറിയ്ക്കുകയായിരുന്നു.
51-45 എന്ന സ്കോറിനായിരുന്നു ഗുജറാത്തിന്റെ വിജയം. ആദ്യ പകതി അവസാനിക്കുമ്പോള്‍ ഗുജറാത്ത് 19-21ന് പിന്നിലായിരുന്നുവെങ്കിൽ രണ്ടാം പകുതിയിൽ വര്‍ദ്ധിത വീര്യത്തോട് കൂടി ഇറങ്ങിയ ടീം 32-24 എന്ന സ്കോറിന് മുന്നിട്ട് നിന്നു.
20 പോയിന്റുമായി ചന്ദ്രന്‍ രഞ്ജിത്തും 16 പോയിന്റ് നേടി രാകേഷുമാണ് വിജയികള്‍ക്കായി തിളങ്ങിയത്. പര്‍ദീപ് നര്‍വാള്‍ 17 പോയിന്റ് നേടിയപ്പോള്‍ 14 പോയിന്റ് നേടിയ സുരേന്ദര്‍ ഗിൽ ആണ് യുപിയുടെ രണ്ടാമത്തെ ടോപ് സ്കോറര്‍.
