മാഞ്ചസ്റ്റർ യുണൈറ്റഡിന്റെ ഭാവി ആയി കണക്കാക്കപ്പെടുന്ന യുവതാരം ഗ്രീൻവുഡിന് ക്ലബിൽ പുതിയ ജേഴ്സി. ഇതിഹാസ താരം റയാൻ ഗിഗ്സ് അണിഞ്ഞിരുന്ന 11ആം നമ്പർ ജേഴ്സി ആണ് ഇനി ഗ്രീൻവുഡ് അണിയുക. ഇതുവരെ 26ആം നമ്പറിൽ ആയിരുന്നു ഗ്രീൻവുഡ് കളിച്ചിരുന്നത്. താരത്തിന്റെ മികച്ച പ്രകടനമാണ് 11ആം നമ്പർ ജേഴ്സി താരത്തിന് നേടിക്കൊടുത്തത്.
അവസാന 30 വർഷങ്ങളിൽ ആകെ മൂന്ന് താരങ്ങൾ മാത്രമെ മാഞ്ചസ്റ്റർ യുണൈറ്റഡിൽ 11ആം നമ്പർ ജേഴ്സി അണിഞ്ഞിട്ടുള്ളൂ. ഗിഗ്സും അദ്നാൻ യനുസായും ആന്റണി മാർഷ്യലും ആയിരുന്നു ആ താരങ്ങൾ. ഗിഗ്സ് ഇതിഹാസം രചിച്ചപ്പോൾ യുവതാരം യനുസായിനും മാർഷ്യലിനും അധിക കാലം 11ആം നമ്പർ അണിയാൻ സാധിച്ചില്ല. ഈ കഴിഞ്ഞ സീസണിൽ യുണൈറ്റഡിനായി 17 ഗോളുകൾ അടിച്ച ടീനേജ് താരത്തിന് വലിയ ഭാവി തന്നെ യുണൈറ്റഡിൽ പ്രവചിക്കപ്പെടുന്നുണ്ട്.
