കേരളത്തിലേക്ക് ഒരു കിരീടം കൂടെ!!! ഗോകുലം കേരള വീണ്ടും ഇന്ത്യ വനിതാ ലീഗ് ചാമ്പ്യന്മാർ!!

Picsart 22 05 26 22 16 02 242

സ്കോർ 3 -1

ഗോകുലം കേരള; 3
ആശാലത ദേവി (14)
എല്‍ഷദായ് അചെങ്‌പോ (33)
മനീഷ കല്യാണ്‍ (40)

സേതു എഫ് സി – 1
രേണു റാണി (3)
……………….

ഭൂവനേശ്വര്‍: ഇന്ത്യന്‍ വനിതാ ലീഗിലെ പതിനൊന്നാം മത്സരവും ജയിച്ച് ഗോകുലം കേരള കിരീടം ഉയർത്തി. ഇന്ന് സേതു എഫ് സിയെ നേരിടുമ്പോൾ ഒരു സമനില മതിയായിരുന്നു ഗോകുലം കേരളക്ക് കിരീടം ഉറപ്പിക്കാൻ. പക്ഷെ സമനിലക്കായി കളിക്കാതെ അറ്റാക്ക് ചെയ്തു കളിച്ച ഗോകുലം കേരള 3-1ന്റെ വിജയം സ്വന്തമാക്കി. തുടക്കത്തിൽ ഒരു ഗോളിന് പിറകിൽ പോയ ശേഷമായുരുന്നു ഗോകുലത്തിന്റെ വിജയം.

മത്സരം ആരംഭിച്ച് മൂന്നാം മിനുട്ടിൽ തന്നെ സേതു എഫ് സി ഗോകുലത്തെ ഞെട്ടിച്ച് കൊണ്ട് ഗോൾ നേടി. രേണു റാണിയുടെ ഹെഡറാണ് അവർക്ക് ലീഡ് നൽകിയത്. പത്ത് മിനുട്ടുകൾക്ക് അകം തിരിച്ചടിക്കാൻ ഗോകുലത്തിനായി. 12ആം മിനുട്ടിൽ ആയിരുന്നു ഗോകുലത്തിന്റെ സമനില ഗോൾ. എൽ ഷദായിയെ വീഴ്ത്തിയതിന് കിട്ടിയ പെനാൾട്ടി ആശാലത ദേവി ലക്ഷ്യത്തിൽ എത്തിച്ചു.
Picsart 22 05 26 21 16 29 636
33ആം മിനുട്ടിൽ എൽഷദായിയിലൂടെ ഗോകുലം ലീഡ് എടുത്തു. മനീഷയുടെ പാസിൽ നിന്നായിരുന്നു എൽ ഷദായിയുദെ ഗോൾ. എൽ ഷദായിയുടെ ഇരുപതാം ഗോളായിരുന്നു ഇത്. പിന്നാലെ 40ആം മിനുട്ടിൽ മനീഷ കല്യാണും കൂടെ ഗോൾ നേടിയതോടെ ഗോകുലത്തിന്റെ കിരീടം അടുത്ത് എത്തി. മനീഷയുടെ 14ആം ഗോളായിരുന്നു ഇത്.

രണ്ടാം പകുതിയിൽ 3-1ന്റെ ലീഡ് നിലനിർത്തി കൊണ്ട് ഗോകുലം കേരള വിജയം ഉറപ്പിച്ചു.

11 മത്സരത്തില്‍ നിന്ന് 33 പോയിന്റുമായാണ് ഗോകുലം ഒന്നാമത് ഫിനിഷ് ചെയ്തത്. 30 പോയിന്റുമായി സേതു എഫ് സി രണ്ടാമത് ഫിനിഷ് ചെയ്തു. 11 മത്സരങ്ങളിൽ നിന്ന് 66 ഗോളുകൾ അടിച്ച ഗോകുലം 4 ഗോൾ മാത്രമാണ് വഴങ്ങിയത്.

ഇത് ഗോകുലം കേരളയുടെ രണ്ടാം ഇന്ത്യൻ വനിതാ ലീഗ് കിരീടമാണ്. ഈ കിരീട നേട്ടത്തോടെ അടുത്ത ഏഷ്യൻ ക്ലബ് ചാമ്പ്യൻഷിപ്പിൽ കളിക്കാനും ഗോകുലത്തിനാകും.

Previous articleറയാൻ ഗ്രാവൻബെർച് ബയേണിന്റെ താരം, 25മില്യൺ ട്രാൻസ്ഫർ തുക
Next articleകൂറ്റന്‍ സ്കോര്‍ നേടി ട്രെയിൽബ്ലേസേഴ്സ്, മേഘനയ്ക്കും റോഡ്രിഗസിനും അര്‍ദ്ധ ശതകങ്ങള്‍