ജിയാൻ പിയറോ ഗാസ്പെരിനി റോമയുടെ അടുത്ത മുഖ്യ പരിശീലകനാകാൻ തീരുമാനിച്ചതായി റിപ്പോർട്ടുകൾ. യുവന്റസും അറ്റലാന്റയും അദ്ദേഹത്തെ പിന്തിരിപ്പിക്കാൻ ശ്രമിച്ചെങ്കിലും ഫലമുണ്ടായില്ല. ക്ലോഡിയോ റാനിയേരിയും ക്ലബ്ബ് ഉടമകളായ ഡാനും റയാൻ ഫ്രീഡ്‌കിനും ഉൾപ്പെടെയുള്ള റോമയുടെ പ്രതിനിധികളുമായി ടുസ്‌കാനിയിൽ ചർച്ചകൾ നടത്തിയ ശേഷം ഗാസ്പെരിനി കരാർ ഒപ്പുവെക്കാൻ സമ്മതിച്ചു.
അന്റോണിയോ കോണ്ടെ നാപ്പോളിയിൽ തുടരാൻ തീരുമാനിച്ചതിന് ശേഷം യുവന്റസ് അവസാന നിമിഷം വരെ ശ്രമം നടത്തിയെങ്കിലും അറ്റലാന്റയുടെ പരിശീലകനെ സ്വന്തമാക്കാൻ അവർക്ക് കഴിഞ്ഞില്ല. ബെർഗാമോയിൽ ഒമ്പത് വിജയകരമായ സീസണുകൾക്ക് ശേഷമാണ് ഗസ്പെരെനി അറ്റലാന്റ വിടുന്നത്.
യൂറോപ്പാ ലീഗ് കിരീടം, കോപ്പ ഇറ്റാലിയ ഫൈനൽ പ്രവേശനം, അഞ്ച് ചാമ്പ്യൻസ് ലീഗ് യോഗ്യതകൾ എന്നിവ ഈ കാലഘട്ടത്തിൽ അറ്റലാന്റ നേടി.
