വരാനിരിക്കുന്ന ന്യൂസിലൻഡ് പര്യടനത്തിനുള്ള ടീമിനെ ദേശീയ ക്രിക്കറ്റ് അക്കാദമി ചീഫ് വിവിഎസ് ലക്ഷ്മൺ പരിശീലിപ്പിക്കും. ഇന്ത്യയുടെ ഹെഡ് കോച്ച് രാഹുൽ ദ്രാവിഡിന് വിശ്രമം നൽകാൻ ആണ് തീരുമാനം.
നവംബർ 18 മുതൽ 30 വരെ മൂന്ന് ടി20 മത്സരങ്ങളും ഏകദിന മത്സരങ്ങളും ആണ് ഇന്ത്യ ന്യൂസിലൻഡിനെതിരെ കളിക്കേണ്ടത്. ലോകകപ്പിൽ സെമിയിൽ നിന്ന് പുറത്തായ ദ്രാവിഡ് ഇന്ത്യയിൽ ചെന്ന് വിശ്രമിക്കും.
ക്യാപ്റ്റൻ രോഹിത് ശർമ്മ, മുൻ ക്യാപ്റ്റൻ വിരാട് കോലി, ഓപ്പണർ കെഎൽ രാഹുൽ, സ്പിന്നർ രവിചന്ദ്രൻ അശ്വിൻ തുടങ്ങിയ താരങ്ങൾക്കും പര്യടനത്തിൽ വിശ്രമം അനുവദിച്ചിട്ടുണ്ട്.
ഹൃഷികേശ് കനിത്കർ (ബാറ്റിംഗ്), സായിരാജ് ബഹുതുലെ (ബൗളിംഗ്) എന്നിവരടങ്ങുന്ന ലക്ഷ്മണിന്റെ നേതൃത്വത്തിലുള്ള എൻസിഎ കോച്ചിംഗ് സംഘം ന്യൂസിലാൻഡിലേക്കുള്ള ടീമിനൊപ് ചേരുമെന്ന് ബിസിസിഐ വൃത്തങ്ങൾ പറഞ്ഞു.
