പി.എസ്.ജി മിഡ്ഫീൽഡർ ഡി മരിയക്ക് പി.എസ്.ജിയിൽ പുതിയ കരാർ. പുതിയ കരാർ പ്രകാരം 30കാരനായ ഡി മരിയ 2021 വരെ ക്ലബ്ബിൽ തുടരും. പി.എസ്.ജിക്ക് വേണ്ടി 150 മത്സരങ്ങൾ ഡി മരിയ കളിച്ചിട്ടുണ്ട്. 57 ഗോളുകളും ഈ കാലയളവിൽ ഡി മരിയ നേടിയിട്ടുണ്ട്. ഈ കാലയളവിൽ രണ്ടു ലീഗ് 1 കിരീടങ്ങളും നേടിയിട്ടുണ്ട്.
2015ലാണ് മാഞ്ചസ്റ്റർ യുണൈറ്റഡിൽ നിന്ന് ഡി മരിയ പി.എസ്.ജിയിൽ എത്തുന്നത്. അതിനു ശേഷം കഴിഞ്ഞ സീസണിൽ അടക്കം പരിശീലകൻ ഉനൈ ഏംറിക്ക് കീഴിൽ മികച്ച പ്രകടനം പുറത്തെടുത്തെങ്കിലും ആദ്യ ഇലവനിൽ സ്ഥാനം ഉറപ്പിച്ചിരുന്നില്ല. എന്നാൽ ഈ സീസണിൽ പുതിയ പരിശീലകൻ തോമസ് ടുഹലിന് കീഴിൽ മികച്ച പ്രകടനമാണ് ഡി മരിയ പുറത്തെടുത്തത്. ഈ സീസണിൽ 15 മത്സരങ്ങളിൽ നിന്നായി ഏഴു ഗോളുകളും ആറു അസിസ്റ്റുകളും ഡി മരിയ സ്വന്തമാക്കിയ ഡി മരിയ മികച്ച ഫോമിലാണ്.
