ഒരു മാസം തന്നെ രണ്ട് കോപ ഡെൽ റേ കിരീടം നേടുക എന്ന അപൂർവ്വ നേട്ടം സ്വന്തമാക്കാനുള്ള അവസരമാണ് അത്ലറ്റിക് ബിൽബാവോയ്ക്ക് വന്നിരിക്കുന്നത്. അവർ ഒരു കോപ ഡെൽ റേ ഫൈനലിൽ കൂടെ എത്തിയിരിക്കുകയാണ്. ഇന്നലെ സെമി ഫൈനലിന്റെ രണ്ടാം പാദത്തിൽ ലെവന്റെയെ മറികടന്നതോടെയാണ് ഈ വർഷത്തെ കോപ ഡെൽ റേ ഫൈനൽ ബിൽബാവോ ഉറപ്പിച്ചത്.
കഴിഞ്ഞ സീസണിലെ കോപ ഡെൽ റേ ഫൈനലിലും അത്ലറ്റിക് ബിൽബാവോ എത്തിയിരുന്നു. ആ ഫൈനൽ കൊറോണ കാരണം കഴിഞ്ഞ വർഷം നടന്നിരുന്നില്ല. ആ ഫൈനലും പുതിയ ഫൈനലും ഈ ഏപ്രിലിൽ ആണ് നടക്കുന്നത്. ഒരു മാസം തന്നെ രണ്ട് കോപ ഡെൽ റേ ഫൈനൽ എന്ന അപൂർവ്വ കാര്യത്തിലാണ് അത്ലറ്റിക് എത്തിയിരിക്കുന്നത്. ഏപ്രിലിൽ 3ന് നടക്കുന്ന കഴിഞ്ഞ സീസണിലെ ഫൈനലിൽ അത്ലറ്റിക് നേരിടുന്നത് അവരുടെ വൈരികളായ റയൽ സോസിഡാഡിനെ ആണ്. ഏപ്രിൽ 17ന് നടക്കുന്ന ഈ വർഷത്തെ ഫൈനലിൽ ബാഴ്സലോണയെയും ബിൽബാവോ നേരിടും. ഇന്നലെ എക്സ്ട്രാ ടൈം വരെ നീണ്ട പോരാട്ടത്തിൽ 2-1നാണ് ബിൽബാവോ ലവന്റെയെ തോൽപ്പിച്ചത്. ആദ്യ പാദ സെമി 1-1 എന്ന സ്കോറിലായിരുന്നു അവസാനിച്ചത്.
