സെരി എ ക്ലബ്ബായ കോമോ, റയൽ ബെറ്റിസിന്റെ യുവതാരം ജീസസ് റോഡ്രിഗസിനെ 20 ദശലക്ഷം യൂറോയും ബോണസുകളും അടങ്ങുന്ന കരാറിൽ സ്വന്തമാക്കാൻ ഒരുങ്ങുന്നതായി ആൽഫ്രെഡോ പെഡുല്ല റിപ്പോർട്ട് ചെയ്യുന്നു. 19 വയസ്സുകാരനായ ഈ വിംഗർ കഴിഞ്ഞ സീസണിൽ ആഭ്യന്തര ലീഗിലും യൂറോപ്പിലും മികച്ച പ്രകടനം കാഴ്ചവെക്കുകയും സ്പെയിനിലെ ഏറ്റവും മികച്ച യുവ അറ്റാക്കിംഗ് താരങ്ങളിൽ ഒരാളായി മാറുകയും ചെയ്തിരുന്നു.
സെസ്ക് ഫാബ്രിഗസിന്റെ കീഴിൽ ടോപ്പ്-ഫ്ലൈറ്റ് നിലനിൽപ്പ് ഉറപ്പിച്ച കോമോ, തങ്ങളുടെ ടീമിനെ അതിവേഗം ശക്തിപ്പെടുത്തുകയാണ്. റോഡ്രിഗസിനെ ടീമിലെത്തിക്കാൻ ഫാബ്രിഗസ് വ്യക്തിപരമായി ആവശ്യപ്പെട്ടതായി വിശ്വസിക്കപ്പെടുന്നു. സ്പാനിഷ് U21 ഇന്റർനാഷണൽ താരം 2024-25 സീസണിൽ ബെറ്റിസിനായി 44 മത്സരങ്ങളിൽ കളിക്കുകയും, യുവേഫ കോൺഫറൻസ് ലീഗ് ഫൈനലിൽ ഉൾപ്പെടെ 5 ഗോളുകളും 4 അസിസ്റ്റുകളും നേടുകയും ചെയ്തു.
റോഡ്രിഗസ് പ്രധാനമായും ഒരു ലെഫ്റ്റ് വിംഗറായിട്ടാണ് കളിക്കുന്നത്. എന്നാൽ ഒരു ഫ്രണ്ട്-ത്രീ സിസ്റ്റത്തിലും അദ്ദേഹത്തിന് കളിക്കാൻ ആകും. എസി മിലാനിൽ നിന്നുള്ള അൽവാരോ മൊറാറ്റ, മാലിക് തിയോ എന്നിവരെയുൻ സ്വന്തമാക്കാൻ കൊമോ നോക്കുന്നുണ്ട്‌.
