മുംബൈ സിറ്റിക്ക് സ്വന്തം ഗ്രൗണ്ടിൽ വീണ്ടും പരാജയം. ഇന്ന് നടന്ന നിർണായക പോരാട്ടത്തിൽ ബെംഗളൂരു എഫ് സിക്കെതിരെ വലിയ പരാജയം തന്നെയാണ് മുംബൈ സിറ്റി നേരിടേണ്ടി വന്നത്. ഒന്നിനെതിരെ മൂന്നു ഗോളുകൾക്കായിരുന്നു ബെംഗളൂരുവിന്റെ ഇന്നത്തെ ജയം. സുനിൽ ഛേത്രിയുടെ ഇരട്ട ഗോളുകളാണ് ബെംഗളൂരു ജയത്തിന് ശക്തിയായത്.
ആദ്യ പകുതിയിൽ ബൽവന്ത് സിംഗിന്റെ ഫൗളിൽ നിന്ന് ലഭിച്ച പെനാൾട്ടി ലക്ഷ്യത്തിൽ എത്തിച്ചു കൊണ്ടായിരുന്നു ഛേത്രിയുടെ ആദ്യ ഗോൾ. 52ആം മിനുട്ടിൽ ഉദാന്തയുടെ പാസിൽ നിന്നായിരുന്നു ഛേത്രിയുടെ രണ്ടാം ഗോൾ. 63ആം മിനുട്ടിൽ ലഭിച്ച ഒരു ഫ്രീകിക്ക് ലക്ഷ്യത്തിൽ എത്തിച്ച് മികുവാണ് ബെംഗളൂരുവുന്റെ മൂന്നാം ഗോളിന്റെ ഉടമ.
76ആം മിനുട്ടിൽ ലിയോ കോസ്റ്റയിലൂടെ മുംബൈ ഒരു ഗോൾ മടക്കി എങ്കിലും കളിയിലേക്ക് തിരിച്ചുവരാൻ ഉള്ള മികവ് കളത്തിൽ പുറത്തെടുക്കാൻ മുംബൈ സിറ്റിക്കായില്ല. ഇന്നത്തെ ജയത്തോടെ 21 പോയന്റുമായി ചെന്നൈയിനെ പിന്തള്ളി ബെംഗളൂരു ലീഗിൽ ഒന്നാമതെത്തി. 14 പോയന്റുള്ള മുംബൈ സിറ്റി അഞ്ചാം സ്ഥാനത്ത് തന്നെ തുടരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
