ചെസ് ഒളിമ്പ്യാഡിൽ രണ്ടു വെങ്കല മെഡലുകൾ നേടി ഇന്ത്യ

20220809 203018

ചെന്നെയിൽ നടന്ന 44 മത് ചെസ് ഒളിമ്പ്യാഡിൽ രണ്ടു വെങ്കല മെഡലുകൾ സ്വന്തമാക്കി ഇന്ത്യൻ ടീം. ഓപ്പൺ സെക്ഷനിൽ ഇന്ത്യൻ എ ടീമിനെക്കാൾ മികവ് കാട്ടിയ ഇന്ത്യൻ യുവ താരങ്ങൾ അടങ്ങിയ ഇന്ത്യൻ ബി ടീം വെങ്കലം നേടുക ആയിരുന്നു. 13 സീഡ് ആയി വന്നു അത്ഭുതം കാണിച്ച ഉസ്ബെകിസ്ഥാൻ സ്വർണം നേടിയപ്പോൾ അർമേനിയ വെള്ളി നേടി. വനിത വിഭാഗത്തിൽ ടോപ് സീഡ് ആയ ഇന്ത്യൻ എ ടീം വെങ്കലം കൊണ്ടു തൃപ്തിപ്പെട്ടു.

20220809 203227

വനിത വിഭാഗത്തിൽ ഉക്രൈൻ സ്വർണം നേടിയപ്പോൾ ജോർജിയ ആണ് വെള്ളി നേടിയത്. കൊനേരു ഹമ്പി, ഹരിക ഡ്രോണവല്ലി, താനിയ സച്ച്ദേവ്, ആർ വൈശാലി, ഭക്തി കുൽക്കർണി എന്നിവർ അടങ്ങിയത് ആയിരുന്നു ഇന്ത്യൻ വനിത എ ടീം. ഇന്ത്യൻ ചെസ്സിന്റെ ഭാവി സുരക്ഷിതമാണ് എന്നു വിളിച്ചു പറയുന്ന പ്രകടനം ആണ് ഇന്ത്യൻ ബി ടീം അംഗങ്ങൾ ആയ ഡി. ഗുകേഷ്, ബി. അധിപൻ, ആർ. പ്രഗ്‌നനന്ദ, റൗണക് സദ്വാനി മലയാളി താരം നിഹാൽ സരിൻ എന്നിവർ പുറത്തെടുത്തത്. ഇന്ത്യൻ എ ടീമിനെക്കാൾ മികവ് കാണിച്ച അവർ 2014 നു ശേഷം ഇന്ത്യക്ക് ചെസ് ഒളിമ്പ്യാഡിൽ രണ്ടാമത്തെ വെങ്കല മെഡലും സമ്മാനിച്ചു.