ഒരോവര്‍ അവശേഷിക്കെ സ്കോട്ലാന്ഡിനെതിരെ വിജയം കുറിച്ച് അയര്‍ലണ്ട്. ഇന്ന് ആദ്യം ബാറ്റ് ചെയ്ത സ്കോട്‍ലാന്‍ഡ് 176/5 എന്ന സ്കോര്‍ നേടിയപ്പോള്‍ 19 ഓവറിൽ 4 വിക്കറ്റ് നഷ്ടത്തിൽ 180 റൺസ് നേടിയാണ് അയര്‍ലണ്ട് വിജയം കുറിച്ചത്.
32 പന്തിൽ നിന്ന് 72 റൺസുമായി പുറത്താകാതെ നിന്ന കര്‍ട്ടിസ് കാംഫര്‍ ആണ് അയര്‍ലണ്ട് വിജയം ഉറപ്പാക്കിയത്. 27 പന്തിൽ 39 റൺസ് നേടിയ ജോര്‍ജ്ജ് ഡോക്രെൽ ആണ് കാംഫറിന് മികച്ച പിന്തുണ നൽകിയത്.
61/4 എന്ന നിലയിലേക്ക് വീണ അയര്‍ലണ്ടിനെ 119 റൺസ് കൂട്ടുകെട്ട് നേടിയാണ് അഞ്ചാം വിക്കറ്റിൽ ഈ കൂട്ടുകെട്ട് വിജയം ഒരുക്കിയത്.
