സ്വപ്നങ്ങൾ പണം കൊടുത്ത് വാങ്ങാൻ ആവില്ല, സൂപ്പർ ലീഗിന് എതിരെ ബ്രൂണോയും

0 Gettyimages 1230654907
Credit: Twitter
- Advertisement -

യൂറോപ്യൻ സൂപ്പർ ലീഗിനെതിരെ ഫുട്ബോൾ താരങ്ങൾ ഒക്കെ രംഗത്തു വരികയാണ്. ഇൻസ്റ്റഗ്രാമിൽ ഒരു സ്റ്റോറിയിലൂടെ മാഞ്ചസ്റ്റർ യുണൈറ്റഡ് താരം ബ്രൂണൊ ഫെർണാണ്ടസും സൂപ്പർ ലീഗിന് എതിരെ പ്രതികരിച്ചിരിക്കുകയാണ്. സൂപ്പർ ലീഗിനെ എതിർത്തു കൊണ്ട് വോൾവ്സ് താരം പൊഡെൻസ് പോസ്റ്റ് ചെയ്ത ഇൻസ്റ്റഗ്രാം സ്റ്റോറിയെ ക്വോട്ട് ചെയ്തു കൊണ്ടായിരുന്നു ബ്രൂണോയുടെ പ്രതികരണം.

സ്വപ്നങ്ങൾ പണം നൽകി വാങ്ങാൻ ആകില്ല എന്ന സന്ദേശവും ബ്രൂണോ ആ സ്റ്റോറിയിൽ നൽകി. പൊഡെൻസിന്റെ ഇൻസ്റ്റാഗ്രാം പോസ്റ്റിൽ ചാമ്പ്യൻസ് ലീഗിന്റെ മനോഹര നിമിഷങ്ങളെ കുറിച്ചായിരുന്നു പറഞ്ഞിരുന്നത്. “The Ball. The Song. The Dream. Zidane’s volley… Kaka’s Solo… Liverpool In Athens… Ole in Barcelona… Cris and Seedorf… പൊഡെൻസ് ഇൻസ്റ്റഗ്രാം സ്റ്റോറിയിൽ കുറിച്ചു.

ബ്രൂണോ ഫെർണാണ്ടസും മാഞ്ചസ്റ്റർ യുണൈറ്റഡ് ക്യാപ്റ്റൻ മഗ്വയറും ടീം മീറ്റിംഗിൽ സൂപ്പർ ലീഗിനെ എതിർത്തു എന്നും വാർത്തകൾ ഉണ്ട്.

Advertisement