ലോകകപ്പ് ഫുട്ബോളിന്റെ ക്വാർട്ടർ ഫൈനലിൽ ബ്രസീലിനെതിരെ ബെൽജിയത്തിന് സ്വപ്ന തുടക്കം. ആദ്യ പകുതി പിന്നിട്ടപ്പോൾ എതിരില്ലാത്ത 2 ഗോളുകൾക് അവർ മുന്നിലാണ്. ബെൽജിയത്തിന്റെ ആദ്യ ഗോൾ ഫെർണാണ്ടിഞൊയുടെ സെൽഫ് ഗോൾ ആയിരുന്നെങ്കിൽ രണ്ടാം ഗോൾ കെവിൻ ഡു ബ്രെയ്നയാണ് നേടിയത്.
മികച്ച തുടക്കമാണ് ബ്രസീൽ നേടിയതെങ്കിലും ഭാഗ്യം പലപ്പോഴും ബെൽജിയത്തിന് തുണയായി. തിയാഗോ സിൽവകും പൗളീഞ്ഞോക്കും ലഭിച്ച അവസരങ്ങൾ അവർ നഷ്ടപ്പെടുത്തിയത്തിന് വലിയ വിലയാണ് അവർക്ക് നൽകേണ്ടി വന്നത്.
13 ആം മിനുട്ടിൽ കോർണർ ക്ലിയർ ചെയ്യുന്നതിന് ഇടയിലാണ് ബ്രസീൽ ആദ്യ ഗോൾ വഴങ്ങിയത്. 32 ആം മിനുട്ടിൽ ലുകാകുവിന്റെ കിടിലൻ അസിസ്റ്റിൽ ഡു ബ്രെയ്നെ സ്കോർ ഉയർത്തി. പിന്നീടും ബെൽജിയം നിര ആക്രമണം തുടർന്നപ്പോൾ ബ്രസീലിന് ആദ്യ പകുതിയിൽ ഒരു ഗോളെങ്കിലും മടക്കുക എന്നത് നടക്കാതെ പോയി.
കൂടുതൽ കായിക വാർത്തകൾക്ക് : www.facebook.com/FanportOfficial
