ഇംഗ്ലീഷ് പ്രീമിയർ ലീഗിൽ ഈ സീസണിൽ ലണ്ടൻ ക്ലബുകൾ തമ്മിലുള്ള പോരിൽ വലിയ ആധിപത്യം പുലർത്തി ആഴ്സണൽ. സീസണിൽ കളിച്ച 12 ലണ്ടൻ ഡാർബികളിൽ ഒന്നിൽ പോലും ആഴ്സണൽ പരാജയം അറിഞ്ഞില്ല. ചിരവൈരികൾ ആയ ടോട്ടനം, ചെൽസി ടീമുകൾക്ക് എതിരെ സീസണിൽ ഇരു മത്സരവും ജയിച്ച ആഴ്സണൽ ക്രിസ്റ്റൽ പാലസ്, ഫുൾഹാം ടീമുകൾക്ക് എതിരെയും സമാന നേട്ടം കൈവരിച്ചു.
അതേസമയം വെസ്റ്റ് ഹാം, ബ്രന്റ്ഫോർഡ് ടീമുകൾക്ക് എതിരെ അവർ ഓരോ ജയവും ഓരോ സമനിലയും കുറിച്ചു. 2004-2005 സീസണിന് ശേഷം ഇത് ആദ്യമായാണ് ലണ്ടൻ ഡാർബികളിൽ ആഴ്സണൽ പരാജയം അറിയാതെ സീസൺ അവസാനിപ്പിക്കുന്നത്. ലണ്ടൻ ഡാർബി ജയങ്ങളിൽ പ്രീമിയർ ലീഗിൽ 150 ജയങ്ങൾ പൂർത്തിയാക്കുന്ന ആദ്യ ക്ലബ് ആയും ഇന്നത്തെ ചെൽസി ജയത്തോടെ ആഴ്സണൽ മാറി.
