2018 ലോകകപ്പിലെ മികച്ച ഗോൾ ഫിഫ പ്രഖ്യാപിച്ചു. ഫ്രാൻസിന്റെ ബെഞ്ചമിൻ പവാർഡ് അർജന്റീനയ്ക്ക് എതിരെ നേടിയ ഗോളാണ് ഫിഫ ലോകകപ്പിലെ മികച്ച ഗോളായി തിരഞ്ഞെടുത്തത്.
The top goal of the World Cup has been awarded to France’s Benjamin Pavard, for this screaming stunner vs. Argentina (via @FIFAWorldCup) pic.twitter.com/LMiq3ibvCB
— SI Soccer (@si_soccer) July 25, 2018
ലോകകപ്പ് പ്രീ ക്വാർട്ടറിൽ ഫ്രാൻസ് അർജന്റീനയ്ക്ക് എതിരെ 2-1 ന് പിറകിൽ നിൽക്കുന്ന സമയത്താണ് പവാർഡ് ബോക്സിന് പുറത്ത് നിന്ന് കിടിലൻ വോളിയിലൂടെ ഗോൾ നേടിയത്. ഈ ഗോളോടെ മത്സരത്തിൽ തിരിച്ചെത്തിയ ഫ്രാൻസ് മത്സരം 4-3 ന് സ്വന്തമാക്കിയിരുന്നു.
2006 ലാണ് ഫിഫ ലോകകപ്പിലെ മികച്ച ഗോളിന് അവാർഡ് നൽകാൻ തുടങ്ങിയത്. 2006 ൽ അർജന്റീനയുടെ മാക്സി റോഡ്രിഗസ് അവാർഡ് നേടിയപ്പോൾ 2010 ൽ ഉറുഗ്വേ താരം ഫോർലാൻ അവാർഡ് സ്വന്തമാക്കി. 2014 ൽ ഹാമേസ് റോഡ്രിഗസാണ് അവാർഡ് നേടിയത്.
കൂടുതൽ കായിക വാർത്തകൾക്ക് : www.facebook.com/FanportOfficial
