ബാഴ്സലോണയുടെ അവസാന രണ്ട് ചാമ്പ്യൻസ് ലീഗ് പുറത്താകലുകൾക്കും ഒരുപാട് സാമ്യം ഉണ്ട്. കഴിഞ്ഞ സീസണിൽ ബാഴ്സലോണ ക്വാർട്ടർ ഫൈനലിൽ റോമയ്ക്ക് എതിരെ ആയിരുന്നു ഇറങ്ങിയത്. അന്ന് ആദ്യ പാദം 4-1 എന്ന സ്കോറിൻ ബാഴ്സലോണ വിജയിച്ചു. ആ 3 ഗോളിന്റെ ലീഡുമായി ബാഴ്സലോണ റോമിൽ എത്തി. അവിടെ നാണം കെട്ട് 3-0ന് തോറ്റു. അഗ്രിഗേറ്റിൽ സ്കോർ 4-4. എവേ ഗോളിൽ ബാഴ്സലോണ പുറത്ത്.
അന്ന് ബാഴ്സലോണയെ റോമ നാണംകെടുത്തിയപ്പോൾ റോമയുടെ ഗോൾ വലയിൽ ഉണ്ടായിരുന്ന അലിസൺ ആയിരുന്നു. ആ അലിസൺ തന്നെയാണ് ഇന്ന് ബാഴ്സലോണ നാണം കെടുമ്പോൾ ലിവർപൂൾ വലയിലും ഉള്ളത്. ഇന്നും ആദ്യ പാദത്തിലെ 3-0 ലീഡ് എടുത്തായിരുന്നു ബാഴ്സലോണ ആൻഫീൽഡിൽ വന്നത്. എന്നാൽ 4-0ന്റെ തോൽവിയുമായി മടങ്ങാനായിരുന്നു ബാഴ്സലോണയുടെ വിധി.
രണ്ട് പരാജയങ്ങളിലും സാക്ഷിയി അലിസൺ ഉണ്ടായിരുന്നു. രണ്ട് വർഷവും നിർണായക സേവുകൾ നടത്തി ബാഴ്സയെ തടയുന്നതിൽ അലിസൺ പ്രധാന പംകുവഹിച്ചിരുന്നു. ഇനിയും കാലങ്ങൾ അലിസണെ ബാഴ്സലോണ ആരാധകർ ഓർമ്മിക്കാൻ ഈ രണ്ട് പരാജയങ്ങൾ മതിയാകും. ഈ സീസൺ തുടക്കത്തിലായിരുന്നു റെക്കോർഡ് തുകയ്ക്ക് അലിസൺ ലിവർപൂളിലേക്ക് എത്തിയത്.
