ഒന്നും രണ്ടുമല്ല 14 ഗോളുകള്‍!!! ചിലിയുടെ വല നിറച്ച് നെതര്‍ലാണ്ട്സ്

Netherlands

ഹോക്കി ലോകകപ്പിൽ ഗോള്‍ മഴ തീര്‍ത്ത് നെതര്‍ലാണ്ട്സ്. ഇന്ന് നടന്ന രണ്ടാം മത്സരത്തിൽ 14-0 എന്ന നിലയിൽ ഏകപക്ഷീയമായ വിജയം ആണ് നെതര്‍ലാണ്ട്സ് പൂള്‍ സിയിൽ നേടിയത്.

ജിപ് ജാന്‍സന്‍ നാലും തിയറി ബ്രിങ്ക്മാന്‍ മൂന്നും ഗോള്‍ നേടിയപ്പോള്‍ മറ്റ് ആറ് താരങ്ങള്‍ കൂടി ഗോള്‍ പട്ടികയിൽ ഇടം പിടിച്ചു. ആദ്യ പകുതി അവസാനിക്കുമ്പോള്‍ നെതര്‍ലാണ്ട്സ് 5-0 ന് മുന്നിലായിരുന്നു. രണ്ടാം പകുതിയിൽ 9 ഗോളുകള്‍ കൂടി ടീം നേടി.

ഇന്നത്തെ ആദ്യ മത്സരത്തിൽ ആവേശകരമായ മത്സരത്തിൽ ന്യൂസിലാണ്ടിനെ മലേഷ്യ 3-2 എന്ന സ്കോറിന് പരാജയപ്പെടുത്തി.