വിക്കറ്റില്ലാത്ത ആദ്യ സെഷനു ശേഷം 13 വിക്കറ്റ് വീണ രണ്ട് സെഷനുകളാണ് പാക്കിസ്ഥാന്‍ ഓസ്ട്രേലിയ ടെസ്റ്റിന്റെ മൂന്നാം ദിവസം ദുബായിയില്‍ അരങ്ങേറിയത്. 142/0 എന്ന നിലയില്‍ നിന്ന് 60 റണ്‍സ് കൂടി നേടുന്നതിനിടയില്‍ ഓസ്ട്രേലിയ ഓള്‍ഔട്ട് ആവുകയായിരുന്നു. ബിലാല്‍ ആസിഫ് ആറ് വിക്കറ്റും മുഹമ്മദ് അബ്ബാസ് വിക്കറ്റും വീഴ്ത്തിയാണ് ഓസ്ട്രേലിയയുടെ നടുവൊടിച്ചത്. 260 റണ്‍സിന്റെ ഒന്നാം ഇന്നിംഗ്സ് ലീഡ് നേടിയ പാക്കിസ്ഥാന്‍ രണ്ടാം ഇന്നിംഗ്സില്‍ 45/3 എന്ന നിലയിലാണ്.
ഓസ്ട്രേലിയയ്ക്കായി ഉസ്മാന്‍ ഖ്വാജ 85 റണ്‍സുമായി ടോപ് സ്കോറര്‍ ആയപ്പള്‍ ആരോണ്‍ ഫിഞ്ച് 62 റണ്‍സ് നേടി പുറത്തായി. അതിനു ശേഷം വിക്കറ്റുകള്‍ തുടരെ നഷ്ടമായി ഓസ്ട്രേലിയ തകര്‍ന്നടിയുകയായിരുന്നു. മൂന്നാം ദിവസം അവസാനിക്കുമ്പോള്‍ 325 റണ്‍സിന്റെ ലീഡാണ് പാക്കിസ്ഥാന്‍ കൈവശമാക്കിയിട്ടുള്ളത്.
23 റണ്‍സ് നേടിയ ഇമാം-ഉള്‍-ഹക്കാണ് ക്രീസില്‍ നില്‍ക്കുന്നത്. മുഹമ്മദ് ഹഫീസ്(17), ബിലാല്‍ ആസിഫ്(0), അസ്ഹര്‍ അലി(4) എന്നിവരുടെ വിക്കറ്റുകളാണ് പാക്കിസ്ഥാനു നഷ്ടമായത്. ജോണ്‍ ഹോളണ്ട് രണ്ടും നഥാന്‍ ലയണ്‍ ഒരു വിക്കറ്റും നേടി.
