അവസാന നിമിഷ സമനിലയിൽ യുവന്റസ് രക്ഷപ്പെട്ടു

യൂറോപ്പ ലീഗിൽ ഒരു നല്ല പ്രകടനം കൂടെ നടത്തി സ്പാനിഷ് ക്ലബ് സെവിയ്യ. ഇന്ന് ടൂറിനിൽ നടന്ന യൂറോപ്പ സെമിഫൈനൽ ആദ്യ പാദത്തിൽ യുവന്റസിനെ ഞെട്ടിക്കാനും സമനിലയിൽ തളക്കാനും സെവിയ്യക്ക് ആയി. യുവന്റസിന്റെ ഹോം ഗ്രൗണ്ടിൽ ചെന്ന് 1-0ന്റെ വിജയം വിയ്യറയൽ ഇന്ന് സ്വന്തമാക്കുമായിരുന്നു. എന്നാൽ അവസാന നിമിഷത്തെ സമനില ഗോൾ അവരെ വിജയത്തിൽ നിന്ന് തടഞ്ഞു.

ഇന്ന് മത്സരം ആരംഭിച്ച് 26ആം മിനുട്ടിൽ സെവിയ്യ ഗോൾ നേടി. ഒകാമ്പസിന്റെ അസിസ്റ്റിൽ നിന്ന് അൽ നസീരി ആണ് സെവിയ്യയുടെ ഗോൾ നേടിയത്. 90 മിനുട്ട് പൊരുതിയിട്ടും ഈ ഗോളിന് മറുപടി നൽകാൻ യുവന്റസിന് ആയില്ല. 97ആം മിനുട്ടിൽ പോൾ പോഗ്ബയുടെ അസിസ്റ്റിൽ നിന്ന് ഫെഡെറികോ ഗെറ്റി ആണ് സമനില ഗോൾ നേടിയത്. ഇനി അടുത്ത ആഴ്ച സ്പെയിനിൽ വെച്ച് രണ്ടാം പാദത്തിൽ ഇരു ടീമുകളും ഏറ്റുമുട്ടും.