ജോഹാന്നസ്ബര്‍ഗ് ടെസ്റ്റിനു പാക്കിസ്ഥാന്‍ ചാമ്പ്യന്‍ സ്പിന്നര്‍ യസീര്‍ ഷായെ ടീമില്‍ ഉള്‍പ്പെടുത്താതിരുന്നത് ഏറ്റവും വലിയ തെറ്റെന്ന് പറഞ്ഞ് റമീസ് രാജ. ആദ്യ രണ്ട് മത്സരങ്ങളില്‍ നിന്ന് കാര്യമായി ഒന്നും തന്നെ ചെയ്യുവാന്‍ യസീറിനു സാധിച്ചിരുന്നില്ല. അതിനാല്‍ തന്നെ ബാറ്റിംഗ് ശക്തിപ്പെടുത്തുവാനും കൂടിയായി പാക്കിസ്ഥാന്‍ രണ്ട് ഓള്‍റൗണ്ടര്‍മാരെ ടീമിലുള്‍പ്പെടുത്തുകയായിരുന്നു. ഷദബ് ഖാന്‍, ഫഹീം അഷ്റഫ് എന്നിവരെയാണ് ജോഹാന്നസ്ബര്‍ഗില്‍ പാക്കിസ്ഥാന്‍ ടീമില്‍ ഉള്‍പ്പെടുത്തിയത്. ഇരുവരും പന്ത് കൊണ്ട് മികവ് പുലര്‍ത്തുകയും ചെയ്തു.
എന്നാല്‍ യസീറിന്റെ കഴിവുകള്‍ വെച്ച് താരത്തിനെതിരെയുള്ള നടപടി ഏറെ സങ്കടകരമെന്നാണ് മുന്‍ പാക് താരം പറഞ്ഞത്. പാക് ബാറ്റ്സ്മാന്മാരുടെ പരാജയമാണ് ഒരു കണക്കിനു യസീറിനെ ടീമില്‍ നിന്ന് ഒഴിവാക്കുവാന്‍ പാക്കിസ്ഥാനെ പ്രേരിപ്പിച്ചതെന്ന് പറഞ്ഞ റമീസ് ഇത് ഏറ്റവും വലിയ മണ്ടത്തരമാണെന്നും പറഞ്ഞു.
