ലോക ടെസ്റ്റ് ചാമ്പ്യൻഷിപ്പ് ഫൈനൽ ആരംഭിക്കാൻ ഇനി മണിക്കൂറുകൾ മാത്രം ബാക്കി. ലണ്ടനിലെ ഓവലിൽ നടക്കുന്ന ഫൈനലിൽ ഇന്ത്യ ഓസ്‌ട്രേലിയയെ ആകും നേരിടുന്നത്. കളി വുജയിച്ച് കിരീടം നേടാൻ ആകും ഇരി ടീമുകളും നോക്കുക. എന്നാൽ കളി സമനിലയിൽ ആയാൽ എന്ത് ആകും തീരുമാനം? ആർക്ക് ആകും കിരീടം പോകുക. മറ്റു ഐ സി സി ടൂർണമെന്റുകളിലെ ഫൈനലുകൾ സമനിലയിൽ ആയാൽ സൂപ്പർ ഓവറും മറ്റു വഴികളും കിരീടം ആർക്കെന്ന് തീരുമാനിക്കാൻ ഉണ്ട്.
എന്നാൽ ഐസിസി ലോക ടെസ്റ്റ് ചാമ്പ്യൻഷിപ്പ് ഫൈനലിൽ അങ്ങനെ ഒന്നും ഇല്ല. ഫൈനൽ സമനിലയിൽ അവസാനിച്ചാൽ, ട്രോഫി ഇന്ത്യയും ഓസ്‌ട്രേലിയയും പങ്കിടും, ഇരു രാജ്യങ്ങളും സംയുക്ത വിജയികളായിരിക്കും. മത്സരം ടൈയിൽ അവസാനിക്കുന്ന സാഹചര്യത്തിലും ട്രോഫി പങ്കിടുകയാണ് ചെയ്യുക. മഴ തടസ്സപ്പെടാൻ സാധ്യതയുള്ള സാഹചര്യത്തിൽ, WTC ഫൈനലിനായി ഐസിസി ആറാമത്തെ റിസർവ് ദിനം നിലനിർത്തിയിട്ടുണ്ട്. മഴ പെയ്താൽ മാത്രമെ ആറാം ദിവസം ഉപയോഗിക്കുകയുള്ളൂ.
