ഇന്ത്യക്ക് ആശ്വാസം, വൃദ്ധിമാൻ സാഹ പരിശീലനം പുനരാരംഭിച്ചു

Photo: Twitter/@BCCI
- Advertisement -

ഓസ്‌ട്രേലിയൻ പര്യടനത്തിനായി തയ്യാറെടുക്കുന്ന ഇന്ത്യൻ ടീമിന് സന്തോഷ വാർത്ത. ഇന്ത്യൻ ടെസ്റ്റ് ടീം വിക്കറ്റ് കീപ്പർ വൃദ്ധിമാൻ സാഹ പരിക്ക് മാറി പരിശീലനം ആരംഭിച്ചു. സാഹ പരിശീലനം പുനരാരംഭിച്ച വിവരം ബി.സി.സി.ഐ തന്നെയാണ് അറിയിച്ചത്. സാഹ ഇന്ത്യൻ ക്രിക്കറ്റ് ടീമിന്റെ സപ്പോർട്ടിങ് സ്റ്റാഫിന്റെ കൂടെ പരിശീലനം നടത്തുന്ന വീഡിയോ ബി.സി.സി.ഐ ട്വിറ്ററിൽ പോസ്റ്റ് ചെയ്തിരുന്നു.

നേരത്തെ ഐ.പി.എല്ലിൽ സൺറൈസേഴ്‌സ് ഹൈദരാബാദിന് വേണ്ടി കളിക്കുന്നതിനിടെയാണ് സാഹക്ക് പരിക്കേറ്റത്. നവംബർ 3ന് നടന്ന മുംബൈ ഇന്ത്യൻസിനെതിരായ മത്സരത്തിനിടെയാണ് സാഹയുടെ ഹാംസ്ട്രിങിന് പരിക്കേറ്റത്. നിലവിൽ ഓസ്ട്രേലിയയിൽ എത്തിയതിന് ശേഷം ഇന്ത്യ 2 ആഴ്ചത്തെ ക്വറന്റൈനിലാണ്. എന്നാൽ ക്വറന്റൈൻ സമയത്ത് പരിശീലനം നടത്താനുള്ള അനുമതി ഓസ്‌ട്രേലിയൻ സർക്കാർ നൽകിയിരുന്നു.

Advertisement