സാഹയ്ക്കെതിരെയുള്ള വാട്സാപ്പ് ഭീഷണി ബിസിസിഐ അന്വേഷണ കമ്മിറ്റി പ്രഖ്യാപിച്ചു

വൃദ്ധിമന്‍ സാഹയ്ക്കെതിരെ വാട്സാപ്പിൽ ഭീഷണി മുഴക്കിയ ജേര്‍ണലിസ്റ്റാരെന്നത് കണ്ടെത്തുവാനായി ബിസിസിഐ അന്വേഷണ കമ്മിറ്റിയെ നിയമിച്ച് ബിസിസിഐ. കമ്മിറ്റിയിൽ മൂന്നംഗങ്ങളാണുണ്ടാകുക.

ബിസിസിഐ വൈസ് പ്രസിഡന്റ് രാജീവ് ശുക്ല, ട്രഷറര്‍ അരുൺ സിംഗ് ധുമാൽ, അപെക്സ് കൗണ്‍സിൽ അംഗം പ്രഭ്തേജ് സിംഗ് ഭാട്ടിയ എന്നിവരടങ്ങിയ കമ്മിറ്റി അടുത്താഴ്ച അന്വേഷണം ആരംഭിയ്ക്കുമെന്നാണ് അറിയുന്നത്.

സാഹ തന്റെ ട്വിറ്ററിലൂടെ വാട്സാപ്പ് സന്ദേശത്തിന്റെ സ്ക്രീന്‍ ഷോട്ട് ഇട്ടുവെങ്കിലും പിന്നീട് ജേര്‍ണലിസ്റ്റ് ആരെന്ന് താന്‍ വെളിപ്പെടുത്തുവാന്‍ ആഗ്രഹിക്കുന്നില്ലെന്ന് വ്യക്തമാക്കിയിരുന്നു.