ലോകകപ്പ് സ്ക്വാഡ് പ്രഖ്യാപനത്തിന്റെ തലേന്ന് എബി ഡി വില്ലിയേഴ്സ് വിളിച്ചിരുന്നുവെന്നും എന്നാല് താരത്തിനോട് ഞാന് ഈ തീരുമാനം വളരെ വൈകി പോയെന്നാണ് തോന്നുന്നതെന്ന് പറഞ്ഞിരുന്നുവെന്ന് അറിയിച്ച് ദക്ഷിണാഫ്രിക്കന് നായകന് ഫാഫ് ഡു പ്ലെസി. താരം തന്നെ നേരിട്ട് കണ്ടില്ലെന്നും ഫോണ് വിളിയിലൂടെയാണ് തനിക്ക് മടങ്ങി വരവിനു ആഗ്രഹമുണ്ടെന്ന് അറിയിച്ചതെന്നും ഫാഫ് ഡു പ്ലെസി പറഞ്ഞു.
താന് അപ്പോള് തന്നെ ഇത് വളരെ വൈകിപ്പോയെന്ന് പറഞ്ഞു, എന്നാലും നാളെ സെലക്ടര്മാരുമായി സംസാരിക്കാമെന്നും അവരുടെ അഭിപ്രായം അറിഞ്ഞ ശേഷം അന്തിമ തീരുമാനം എടുക്കാമെന്നുമാണ് പറഞ്ഞത്. കാരണം സ്ക്വാഡ് പ്രഖ്യാപനം മാത്രമായിരുന്നു ബാക്കി. ടീമംഗങ്ങളെ ഞങ്ങള് തീരുമാനിച്ച് കഴിഞ്ഞിരുന്നുവെന്നും പിറ്റേന്ന് കോച്ചും സെലക്ടര്മാരും ഇത് വളരെ വൈകിയിരിക്കുന്നുവെന്നും ഇനി ടീമിലൊരു മാറ്റം സാധ്യമല്ലെന്നും അറിയിക്കുകയായിരുന്നുവെന്നും ഫാഫ് ഡു പ്ലെസി പറഞ്ഞു.
