ഹാരിസ് സൊഹൈലിന്റെ തകര്‍പ്പന്‍ ബാറ്റിംഗ് പ്രകടനത്തിന്റെ ബലത്തിലാണ് ദക്ഷിണാഫ്രിക്കയ്ക്കെതിരെ 308 റണ്‍സ് എന്ന മികച്ച സ്കോര്‍ പാക്കിസ്ഥാന്‍ നേടിയത്. പിന്നീട് മത്സരത്തിലെ മാന്‍ ഓഫ് ദി മാച്ചായും താരം തിരഞ്ഞെടുക്കപ്പെട്ടു. എന്നാല്‍ മുന്‍ മത്സരങ്ങളില്‍ താരത്തെ പുറത്തിരുത്തേണ്ടി വന്നത് ടീം കോമ്പിനേഷന്‍ കാരണമാണെന്നും അന്നത്തെ എതിരാളികള്‍ക്കെതിരെ ഉപയോഗിക്കേണ്ട കോമ്പിനേഷന്‍ കാരണം താരം പുറന്തള്ളപ്പെടുകയായിരുന്നുവെന്നും പാക് നായകന്‍ സര്‍ഫ്രാസ് അഹമ്മദ്.
താരം ജോസ് ബട്‍ലറെ പോലെയാണ് ബാറ്റ് വീശിയതെന്നും റണ്‍സിനായി ദാഹിക്കുന്നത് പോലെ തോന്നിയെന്നും സര്‍ഫ്രാസ് പറഞ്ഞു. ഇന്ന് തനിക്ക് ലഭിച്ച അവസരം ഹാരിസ് സൊഹൈല്‍ പൂര്‍ണ്ണമായും ഉപയോഗപ്പെടുത്തിയെന്നും സര്‍ഫ്രാസ് അഹമ്മദ് അഭിപ്രായപ്പെട്ടു.
