ഇന്ത്യക്ക് വേണ്ടി കളിക്കുന്നതിനേക്കാൾ ഐ.പി.എൽ ടീമുകൾക്ക് കളിക്കുന്നതിന് താരങ്ങൾ മുൻഗണന നൽകിയത് എന്ത് പറയാൻ കഴിയുമെന്ന് മുൻ ഇന്ത്യൻ ക്യാപ്റ്റൻ കപിൽ ദേവ്. ടി20 ലോകകപ്പിൽ ഇന്ത്യൻ ടീം സെമി ഫൈനൽ കാണാതെ പുറത്തായതിന് ശേഷം സംസാരിക്കുകയായിരുന്നു മുൻ ഇന്ത്യൻ ക്യാപ്റ്റൻ.
അടുത്ത വർഷം ഓസ്ട്രേലിയയിൽ നടക്കുന്ന ലോകകപ്പിന് മുൻപ് ബി.സി.സി.ഐ മികച്ച രീതിയിൽ കാര്യങ്ങൾ പ്ലാൻ ചെയ്യണമെന്നും കപിൽ ദേവ് പറഞ്ഞു. ഐ.പി.എല്ലിനും ടി20 ലോകകപ്പിനും ഇടയിൽ കുറച്ച ഇടവേള വേണ്ടിയിരുന്നു എന്നും കപിൽ ദേവ് പറഞ്ഞു. ടി20 ലോകകപ്പിൽ ഇന്ത്യൻ ടീം ചെയ്ത തെറ്റുകൾ ആവർത്തിക്കാതിരിക്കുക എന്നതാണ് ഏറ്റവും വലിയ പാഠമെന്നും കപിൽ ദേവ് കൂട്ടിച്ചേർത്തു.
