ബാബർ അസമും ഷഹീൻ ഷാ അഫ്രീദിയും തമ്മിൽ ഇപ്പോൾ സംസാരിക്കാനില്ലെന്ന വസീം അക്രത്തിൻ്റെ വാദം തള്ളി പാകിസ്ഥാൻ അസിസ്റ്റൻ്റ് കോച്ച് അസ്ഹർ മഹമൂദ്. ഇരുവരും നല്ല സുഹൃത്തുക്കൾ ആണെന്നും അവർ തമ്മിൽ പ്രശ്നങ്ങൾ ഒന്നും ഇല്ലെന്നും മഹ്മൂദ് പറഞ്ഞു. ഇന്ത്യയോട് തോറ്റതിനു പിന്നാലെ ആയിരുന്നു വസീം അക്രം പാകിസ്താൻ കളിക്കാരെ രൂക്ഷമായി വിമർശിച്ചത്.
“വസീം അങ്ങനെ പറഞ്ഞിരിക്കാം, പക്ഷേ എനിക്കറിയില്ല. ഞാൻ അങ്ങനെയുള്ള പ്രശ്നങ്ങൾ ടീമിൽ കണ്ടില്ല. ഷഹീനും ബാബറും തീർച്ചയായും സംസാരിക്കുന്നുണ്ട്, അവർ നല്ല സുഹൃത്തുക്കളാണ്. ഇരുവരും പാകിസ്ഥാൻ ടീമിൻ്റെ ഭാഗമാണ്,” മഹ്മൂദ് പറഞ്ഞു.
“ആരാണ് ഉത്തരവാദിത്തം ഏറ്റെടുക്കുന്നതെന്ന് ഇപ്പോൾ നിങ്ങൾ ചോദിക്കുമ്പോൾ – ഒരു ടീം മാനേജ്‌മെൻ്റ് എന്ന നിലയിൽ നാമെല്ലാവരും ഈ മോശം പ്രകടനങ്ങളുടെ ഉത്തരവാദിത്തം ഏറ്റെടുക്കുന്നുണ്ട്. ഞങ്ങൾ ആരും ഒളിച്ചോടുന്നില്ല.” മഹമൂദ് പറഞ്ഞു.
