ഇന്ത്യൻ ടീമിന്റെ മുഖ്യ പരിശീലകൻ രാഹുൽ ദ്രാവിഡിന് വേണ്ടി ഈ ക്രിക്കറ്റ് ലോകകപ്പ് നേടണമെന്ന് ഇന്ത്യൻ ക്യാപ്റ്റൻ രോഹിത് ശർമ്മ. നവംബർ 19 ഞായറാഴ്ച അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടക്കുന്ന ഫൈനലിൽ ഓസ്‌ട്രേലിയയെ നേരിടാൻ ഒരുങ്ങുന്നതിന് മുന്നോടിയായി സംസാരിക്കുക ആയിരുന്നു രോഹിത് ശർമ്മ.
“ഈ ടീമിന്റെ പ്രകടനത്തിൽ ദ്രാവിഡിന്റെ പങ്ക് വളരെ വലുതാണ്, ടീമിന് ഒരു വ്യക്തത അദ്ദേഹത്തിന് കീഴിക് ലഭിക്കുന്നു, കോച്ച് ചില കാര്യങ്ങൾ സമ്മതിക്കുന്നില്ലെങ്കിൽ എനിക്ക് ഒന്നും ചെയ്യാൻ ആകില്ല. രാഹുൽ ഭായ് എങ്ങനെ ക്രിക്കറ്റ് എങ്ങനെ കളിച്ചുവെന്നും ഈ ദിവസങ്ങളിൽ ഞാൻ എങ്ങനെ കളിക്കുന്നുവെന്നും നോക്കുമ്പോൾ നിങ്ങൾക്കറിയാം. വ്യക്തമായും, രണ്ടും തികച്ചും വ്യത്യസ്തമാണ്. ഞങ്ങൾ ആഗ്രഹിക്കുന്ന രീതിയിൽ പോയി കളിക്കാനുള്ള സ്വാതന്ത്ര്യം അദ്ദേഹം ഞങ്ങൾക്ക് നൽകുന്നു. അത് അദ്ദേഹത്തിന്റെ തീരുമാനം ആണ്.” രോഹിത് പറഞ്ഞു.
“പ്രയാസമുള്ള സമയങ്ങളിൽ അദ്ദേഹം കളിക്കാർക്കൊപ്പം നിന്ന രീതി പ്രത്യേകിച്ചും ടി20 ലോകകപ്പിൽ, ആ സാഹചര്യങ്ങളോട് അദ്ദേഹം പ്രതികരിച്ചതും കളിക്കാരെ സംരക്ഷിച്ചതും നിർണായകമായിരുന്നു. ഈ ലോകകപ്പ് അദ്ദേഹത്തിനായി നേടാൻ നമ്മൾ ആഗ്രഹിക്കുന്നു.” രോഹിത് കൂട്ടിച്ചേർത്തു.
