ബുധനാഴ്ച ഡൽഹിയിലെ അരുൺ ജെയ്റ്റ്‌ലി സ്റ്റേഡിയത്തിൽ നെതർലൻഡ്‌സിനെതിരെ സെഞ്ച്വറി നേടിയ മാക്സ്‌വെലിനെ പ്രശംസിച്ച് സുനിൽ ഗവാസ്കർ. 40 പന്തിൽ സെഞ്ചുറി നേടാബ് മാക്സ്‌വെലിന് ആയിരുന്നു. “ഞാൻ 40 പന്തുകൾ എടുത്തു ഒരു റൺ എടുക്കാൻ. 40 പന്തിൽ അദ്ദേഹം സെഞ്ച്വറി നേടി, അതിശയകരമാണ് ഈ ഇന്നിംഗ്സ്” ഗവാസ്കർ പറഞ്ഞു.
ഇന്നലെ മാക്സ്‌വെൽ കളിച്ച ഷോട്ടുകൾ ബൗളർമാരുടെ ആത്മവിശ്വാസം ചോർത്തി എന്നും ഗവാസ്കർ പറഞ്ഞു. “മാക്സ്‌വെൽ കളിച്ച റിവേഴ്സ് ഹിറ്റ് ഏറ്റവും മികച്ച ക്രിക്കറ്റ് ഷോട്ടുകളിൽ ഒന്നായിരിക്കണം. സിക്സിനു പകരൻ അത് ഒരു 12 ആയി പ്രഖ്യാപിക്കണം. ആ ഷോട്ടിനു ശേഷം ബൗളർമാർ പരുങ്ങലിലായി, കാരണം അവർക്ക് എവിടെ ബൗൾ ചെയ്യണമെന്ന് അറിയില്ല. ”ഗവാസ്കർ പറഞ്ഞു.
