ന്യൂസിലൻഡ് ഫാസ്റ്റ് ബൗളർ മാറ്റ് ഹെൻറി ഇനി ഏകദിന ലോകകപ്പിന്റെ ബാക്കി മത്സരങ്ങളിൽ കളിക്കില്ല. പരിക്ക് കാരണം താരത്തെ ടീമ നിന്ന് ഒഴിവാക്കിയതായി ബോർഡ് നവംബർ 3 വെള്ളിയാഴ്ച അറിയിച്ചു. ദക്ഷിണാഫ്രിക്കയ്‌ക്കെതിരെ കളിക്കുന്നതിനിടയിൽ ഹെൻറിയുടെ ഹാംസ്ട്രിംഗിന് പരിക്കേറ്റിരുന്നു.
ഓൾറൗണ്ടർ കൈൽ ജാമിസണെ പകരക്കാരനായി തിരഞ്ഞെടുത്തതായയും ന്യൂസിലൻഡ് അറിയിച്ചു. “ഇന്ത്യയിൽ നടക്കുന്ന ഐസിസി ക്രിക്കറ്റ് ലോകകപ്പിൽ നിന്ന് ഹാംസ്ട്രിംഗ് ഇഞ്ച്വറി മാറ്റ് ഹെൻറിയെ ഒഴിവാക്കി, പകരം കൈൽ ജാമിസൺ ബ്ലാക്ക് ക്യാപ്‌സ് ടീമിൽ ഇടംനേടി,” ന്യൂസിലൻഡ് പത്രക്കുറിപ്പിൽ പറയുന്നു.
7 മത്സരങ്ങളിൽ നിന്ന് 8 പോയിന്റുമായി ലോകകപ്പ് പോയിന്റ് പട്ടികയിൽ നിലവിൽ നാലാം സ്ഥാനത്താണ് ന്യൂസിലൻഡ്.
