ഓസ്ട്രേലിയക്ക് എതിരായ മത്സരത്തിൽ സ്മിത്തിന്റെ വിക്കറ്റ് ആണ് വഴിത്തിരിവായത് എന്ന് ജഡേജ. ഇന്നലെ 46 റൺസ് എടുത്ത് നിൽക്കെ ആയിരുന്നു സ്മിത്ത് ജഡേജയുടെ പന്തിൽ പുറത്തായത്‌. “അത് വഴിത്തിരിവായ നിമിഷമാണെന്ന് ഞാൻ കരുതുന്നു. സ്റ്റീവ് സ്മിത്തിനെപ്പോലെ ഒരു വിക്കറ്റ് ലഭിക്കുമ്പോൾ, അവിടെ നിന്ന് പുതിയ ബാറ്ററിനായി സ്‌ട്രൈക്ക് റൊട്ടേറ്റ് ചെയ്യുക എന്നത് എളുപ്പമായിരുന്നില്ല,” ജഡേജ പറഞ്ഞു.
“ആ വിക്കറ്റായിരുന്നു വഴിത്തിരിവ് എന്ന് ഞാൻ പറയും. 110/3 എന്ന നിലയിൽ നിന്ന് അവർ 199 ഓൾഔട്ടായി.” ജഡേജ പറഞ്ഞു.
“ഞാൻ സ്റ്റമ്പിൽ പന്തെറിയണം, അതായിരുന്നു പ്ലാൻ. ഭാഗ്യവശാൽ സ്മിത്തിലേക്കുള്ള പന്ത് കുറച്ചുകൂടി ടേൺ ചെയ്തു,” ജഡേജ പറഞ്ഞു.
“എന്റെ പ്ലാൻ ലളിതമായിരുന്നു. ഇത് ഒരു ടെസ്റ്റ് മാച്ച് ബൗളിംഗ് വിക്കറ്റാണെന്ന് ഞാൻ കരുതി, ഞാൻ അധികം പരീക്ഷണങ്ങൾ നടത്തേണ്ടതില്ല, കാരണം എല്ലാം വിക്കറ്റിൽ സംഭവിക്കുന്നു. അതുകൊണ്ട് ഞാൻ അതിനെ സ്റ്റംപ് ടു സ്റ്റംപ് ബൗൾ ചെയ്യാൻ ശ്രമിക്കുകയായിരുന്നു.” അദ്ദേഹം കൂട്ടിച്ചേർത്തു
