ഐ സി സി റാങ്കിംഗിൽ ഇന്ത്യൻ ആധിപത്യം. ഇന്ന് വന്ന പുതിയ ഏകദിന റാങ്കിംഗ് ബാറ്റിംഗിലും ബൗളിംഗിലിം ഇന്ത്യൻ താരങ്ങൾ ഒന്നാമത്. ബാറ്റിംഗിൽ ശുഭ്മൻ ഗിൽ ബാബർ അസമിനെ മറികടന്ന് ഒന്നാമത് എത്തി. കരിയറിൽ ആദ്യമായാണ് ശുഭ്മൻ ഗിൽ റാങ്കിംഗിൽ ഒന്നാമത് എത്തുന്നത്. ഗില്ലിന് 830 പോയിന്റാണ് ഉള്ളത്. ബാബർ 824 പോയിന്റുമായി രണ്ടാം സ്ഥാനത്തേക്ക് താഴ്ന്നു. വിരാട് കോഹ്ലി നാലാം സ്ഥാനത്തും രോഹിത് ശർമ്മ ആറാം സ്ഥാനത്തും ഉണ്ട്.
ബൗളിങ് സിറാജ് ഒന്നാം സ്ഥാനത്ത് തിരികെയെത്തി. മുമ്പും സിറാജ് ഏകദിന ബൗളിംഗ് റാങ്കിംഗിൽ ഒന്നാമത് ഉണ്ടായിരുന്നു. സിറാജിന് 709 പോയിന്റാണ് ഉള്ളത്. ഇന്ത്യയുടെ നാലു താരങ്ങൾ ആദ്യ പത്തിൽ ഉണ്ട്. കുൽദീപ് യാദവ് നാലാം സ്ഥാനത്തും, ജസ്പ്രീത് ബുമ്ര എട്ടാം സ്ഥാനത്തും മുഹമ്മദ് ഷമി പത്താം സ്ഥാനത്തും നിൽക്കുന്നു. ഇതുകൂടാതെ ജഡേജ 19ആം സ്ഥാനത്തേക്കും ഉയർന്നു.
ടീമുകളുടെ കാര്യത്തിൽ ഇന്ത്യ ആയി ഏകദിനത്തിലും ടി20യിലും ടെസ്റ്റിലും ഐ സി സി റാങ്കിംഗിൽ ഒന്നാമത് ഉള്ളത്.
