മഴ മൂലം ഇന്ത്യ-ന്യൂസിലാണ്ട് മത്സരം ഉപേക്ഷിക്കപ്പെട്ടത് നിരാശപ്പെടുത്തുന്ന കാര്യമാണെങ്കിലും ഇത്തരം സാഹചര്യങ്ങളില് കളിയ്ക്കുന്നത് താരങ്ങള്ക്ക് പരിക്ക് വരുവാനുള്ള സാധ്യത ഏറെയാണെന്ന് പറഞ്ഞ് ഇന്ത്യന് നായകന് വിരാട് കോഹ്ലി. ഇന്ത്യ പോയിന്റ് പട്ടികയില് മൂന്നാമതാണെങ്കിലും ഇതുവരെ മികച്ച പ്രകടനം പുറത്തെടുത്തതിനാല് എവിടെയാണ് ടീം സ്ഥിതി ചെയ്യുന്നതെന്നതില് തീരെ ഭയമില്ലെന്ന് വിരാട് കോഹ്ലി പറഞ്ഞു.
ഇന്ന് മഴ വന്നും പോയിയും നിന്നുവെങ്കിലും ഇന്നത്തെ മഴയെക്കാള് കഴിഞ്ഞ രണ്ട് ദിവസം പെയ്ത മഴയാണ് ഗ്രൗണ്ട് മത്സരയോഗ്യമാക്കുവാതിരിക്കുവാനുള്ള പ്രധാന കാരണമെന്നാണ് വിലയിരുത്തപ്പെടുന്നത്. പാക്കിസ്ഥാനെതിരെയുള്ള സൂപ്പര് പോരാട്ടത്തിന്റെ അലയൊലി എല്ലായിടത്തുമുണ്ടെങ്കിലും ഗ്രൗണ്ടിലെത്തിയാല് എല്ലാം സമാധാനപരമായിരിക്കുമെന്ന് കോഹ്ലി പറഞ്ഞു. രണ്ട് മത്സരങ്ങളിലെ വിജയം നല്കുന്ന ആത്മവിശ്വാസം വളരെ കൂടുതലാണെന്നും കോഹ്ലി പറഞ്ഞു.
