തന്റെ കന്നി ലോകകപ്പ് അര്‍ദ്ധ ശതകം തികച്ചയുടനെ പുറത്തായി ഇംഗ്ലണ്ട് ഓപ്പണര്‍ ജോണി ബൈര്‍സ്റ്റോ. ബംഗ്ലാദേശ് നായകന്‍ മഷ്റഫെ മൊര്‍തസ എറിഞ്ഞ 20ാം ഓവറിന്റെ ആദ്യ പന്തില്‍ ആണ് ബൈര്‍സ്റ്റോ പുറത്തായത്. 50 പന്തില്‍ നിന്ന് 51 റണ്‍സ് നേടിയ ബൈര്‍സ്റ്റോയും ജേസണ്‍ റോയിയും ചേര്‍ന്ന് ഒന്നാം വിക്കറ്റില്‍ 128 റണ്‍സാണ് ഇംഗ്ലണ്ടിനു വേണ്ടി നേടിയത്.
ആദ്യ രണ്ട് മത്സരങ്ങളില്‍ ഫോം കണ്ടെത്താനാകാതെ ബുദ്ധിമുട്ടിയ ബൈര്‍സ്റ്റോ ഇന്ന് മികച്ച രീതിയിലാണ് റോയിയ്ക്ക് പിന്തുണ നല്‍കിയത്. മെഹ്ദി ഹസന്‍ മികച്ചൊരു ക്യാച്ചിലൂടെയാണ് മൊര്‍തസയ്ക്ക് വിക്കറ്റ് നേടിക്കൊടുത്തത്.
