ലോകകപ്പ് ടൂർണമെന്റിൽ ഇതുവരെ കണ്ടത് പോലെ ഫൈനലും മഴയുടെ ഭീഷണിയിൽ തന്നെയാണ്. നാളെ ബാർബഡോസിൽ നടക്കുന്ന മത്സരത്തിലും മഴ സാധ്യത പ്രവചിക്കുന്നുണ്ട്. എല്ലാം ഗയാനയിലെ പോലെ മത്സരം നടക്കാൻ ആവാത്ത രീതിയിൽ ഉള്ള മഴ ഫൈനലിന് പ്രതീക്ഷിക്കുന്നില്ല.
weather.com അനുസരിച്ച്, നാളെ മഴയുടെ പ്രവചനം 70% ആണ്, പ്രാദേശിക സമയം ഏകദേശം 10:30 am (8:00 pm IST)ന് ആരംഭിക്കുന്ന കളിയുടെ സമയത്തും മഴക്ക് സാധ്യതയുണ്ട്. 66% ആണ് കളി ആരംഭിക്കുന്ന സമയത്തെ മഴ സാധ്യത.
കളിക്ക് ഐസിസി ജൂൺ 29 ഞായറാഴ്ച്ച ഒരു റിസേർവ് ഡേയും അനുവദിച്ചിട്ടുണ്ട്. അതുകൊണ്ട് വലിയ ആശങ്ക ഇല്ല. കളി നാളെ പൂർത്തിയാക്കാൻ ആയില്ല എങ്കിൽ റിസർവ് ദിവസം രാവിലെ 10:30ന് കളി പുനരാരംഭിക്കും.
കുറഞ്ഞത് പത്ത് ഓവറെങ്കിലും കളിച്ചാൽ മാത്രമെ ഡക്ക്വർത്ത് ലൂയിസ് നിയമം ഫൈനലിൽ ഉപയോഗിക്കാൻ ആവുകയുള്ളൂ. കളി നടന്നില്ല എങ്കിൽ ഇന്ത്യയും ദക്ഷിണാഫ്രിക്കയും സംയുക്ത ചാമ്പ്യന്മാരാകും.
