ടി20 ലോകകപ്പ് രണ്ടോ മൂന്നോ മാസം മുന്നിലേക്കാക്കണം – ഫാഫ് ഡു പ്ലെസി

- Advertisement -

ടി20 ലോകകപ്പ് ഇപ്പോള്‍ തീരുമാനിച്ച സമയത്ത് നടത്തുന്നതിന് പകരം രണ്ടോ മൂന്നോ മാസം മുന്നോട്ട് ആക്കണമെന്ന് അഭിപ്രായപ്പെട്ട് ഫാഫ് ഡു പ്ലെസി. ഈ ആഴ്ച ടൂര്‍ണ്ണമെന്റിനുമേല്‍ ഐസിസി തീരുമാനം എടുക്കുവാന്‍ നില്‍ക്കുന്നതിനിടെയാണ് താരത്തിന്റെ പ്രതികരണം.

സ്ഥിതിഗതികള്‍ സാധാരണ നിലയിലാകുവാന്‍ ഏറെ സമയം എടുത്തേക്കാം അതിനര്‍ത്ഥം രണ്ട് വര്‍ഷം ക്രിക്കറ്റില്ലാതെ മുന്നോട്ട് പോകും എന്നല്ല അതിനാല്‍ തന്നെ ഈ ടൂര്‍ണ്ണമെന്റ് രണ്ടോ മൂന്നോ മാസം മുന്നോട്ട് ആക്കുന്നതില്‍ തെറ്റില്ല എന്നും ഫാഫ് ഡു പ്ലെസി വ്യക്തമാക്കി.

ലോകകപ്പ് മുന്നോട്ട് തള്ളി ഐപിഎല്‍ ആ സമയത്ത് നടത്തണമെന്നാണ് തന്റെ അഭിപ്രായമെന്നും ഫാഫ് വ്യക്തമാക്കി. ഐപിഎല്‍ കൂടുതല്‍ ഫ്ലെക്സിബിള്‍ ആയ ടൂര്‍ണ്ണമെന്റാണെന്നും താരം വ്യക്തമാക്കി.

Advertisement