നിലവിലെ ചാമ്പ്യന്മാരായ സൂപ്പര്‍നോവാസിനെതിരെ 16 റണ്‍സ് വിജയം നേടി ട്രെയില്‍ബ്ലേസേഴ്സിന് കിരീടം. 118 റണ്‍സിന് ട്രെയില്‍ബ്ലേസേഴ്സിനെ എറിഞ്ഞ് പിടിക്കുവാന്‍ രാധ യാദവിന്റെ പ്രകടനത്തിലൂടെ സൂപ്പര്‍നോവാസിന് സാധിച്ചുവെങ്കിലും മറുപടി ബാറ്റിംഗിനിറങ്ങിയ ടീമിന് 7 വിക്കറ്റ് നഷ്ടത്തില്‍ 102 റണ്‍സ് മാത്രമേ നേടാനായുള്ളു.
30 റണ്‍സ് നേടിയ ഹര്‍മ്മന്‍പ്രീത് കൗര്‍ ടീമിന്റെ ടോപ് സ്കോറര്‍ ആയെങ്കിലും ടീമിനെ വിജയത്തിലേക്ക് നയിക്കുവാന്‍ ഈ പ്രകടനത്തിന് ആയില്ല. ശശികല സിരിനര്‍ദ്ധേനെ(19), താനിയ ഭാട്ടിയ(14), ജെമീമ റോഡ്രിഗസ്(13) എന്നിവരാണ് റണ്‍സ് കണ്ടെത്തിയ മറ്റു താരങ്ങള്‍.
