ഇന്ത്യയ്ക്കായി അന്താരാഷ്ട്ര ടി20 മത്സരങ്ങളില്‍ നിന്ന് തന്റെ രാജി പ്രഖ്യാപിച്ച് ജൂലന്‍ ഗോസ്വാമി. ഇന്ത്യ കണ്ട ഏറ്റവും മികച്ച വനിത ഫാസ്റ്റ് ബൗളര്‍ ആയ ജൂലന്‍ തന്റെ ടി20 അന്താരാഷ്ട്ര കരിയറില്‍ 68 മത്സരങ്ങളാണ് കളിച്ചിട്ടുള്ളത്. ഇവയില്‍ നിന്ന് 56 വിക്കറ്റുകള്‍ നേടിയ ജൂലന്റെ ഏറ്റവും മികച്ച പ്രകടനം ഓസ്ട്രേലിയയ്ക്കെതിരെ മാര്‍ച്ച് 2012ല്‍ നേടിയ 5/11 എന്ന പ്രകടനമായിരുന്നു. 2006ല്‍ ഓസ്ട്രേലിയയ്ക്കെതിരെ ഇംഗ്ലണ്ടിലെ ഡര്‍ബിയിലാണ് ജൂലന്‍ ഗോസ്വാമി തന്റെ ടി20 അരങ്ങേറ്റം നടത്തിയത്.
വനിത ഏകദിനത്തിലും ഏറ്റവും അധികം വിക്കറ്റ് നേടിയിട്ടുള്ള താരമാണ് ജൂലന്‍ ഗോസ്വാമി. ഏകദിനങ്ങളില്‍ 200 വിക്കറ്റ് നേടുന്ന ആദ്യ വനിതയും ജൂലന്‍ ഗോസ്വാമിയാണ്.
