ഇന്ത്യന്‍ വനിത ടീമിന്റെ മുഖ്യ കോച്ച് അമോൽ മജൂംദാര്‍ പറയുന്നത് ടീമിന്റെ മുന്‍ഗണന ഫീൽഡിംഗിനും ഫിറ്റ്നെസ്സിനും ആണെന്നാണ്. ഇംഗ്ലണ്ടിനെതിരെ മൂന്ന് ടി20 മത്സരങ്ങളും ഒരു ടെസ്റ്റും കളിക്കുവാന്‍ ഇന്ത്യ ഒരുങ്ങുന്നതിന് മുന്നോടിയായാണ് അമോൽ മനസ്സ് തുറന്നത്.
ഫിയര്‍ലെസ്സ് ക്രിക്കറ്റെന്ന ബ്രാന്‍ഡ് ആവണം ഇന്ത്യന്‍ വനിതകള്‍ കളിക്കേണ്ടതെന്നും മുഖ്യയ കോച്ച് വ്യക്തമാക്കി. എന്‍സിഎ ബെംഗളൂരുവിൽ ചില ഫിറ്റ്നെസ്സ് ടെസ്റ്റുകള്‍ ടീം നടത്തിയെന്നും ഇനി ഈ മാനദണ്ഡങ്ങളുമായി മുന്നോട്ട് പോകുകയാണ് വേണ്ടതെന്നും അതിനായി കഠിന പ്രയത്നം ചെയ്യേണ്ടതുണ്ടെന്നും സീസണിൽ മൂന്ന് ടെസ്റ്റുകളുണ്ടാകുമെന്നും മജൂംദാര്‍ വ്യക്തമാക്കി.
