പാക്കിസ്ഥാനെതിരെയുള്ള ഏകദിന പരമ്പരയ്ക്കുള്ള വെസ്റ്റിന്‍ഡീസ് ടീമിനെ പ്രഖ്യാപിച്ചു. അൽസാരി ജോസഫിന് വിശ്രമം നൽകിയപ്പോള്‍ റൊമാരിയോ ഷെപ്പേര്‍ഡ് ടീമിലേക്ക് തിരികെ എത്തുന്നു. ഓസ്ട്രേലിയയ്ക്കെതിരെയുള്ള ടെസ്റ്റ് പരമ്പരയിൽ കളിച്ച അൽസാരി ജോസഫിന് വര്‍ക്ക്‍ലോഡ് മാനേജ്മെന്റിന്റെ ഭാഗമായാണ് വിശ്രമം അനുവദിച്ചിരിക്കുന്നത്.
ഷിമ്രൺ ഹെറ്റ്മ്യറിന് ടീമിൽ ഇടം ലഭിച്ചിട്ടില്ല. ട്രിനിഡാഡിലെ ബ്രയന്‍ ലാറ ക്രിക്കറ്റ് അക്കാഡമിയിൽ ഓഗസ്റ്റ് 8, 10, 12 തീയ്യതികളിലാണ് മത്സരങ്ങള്‍ നടക്കുക. 2027ലെ ഏകദിന ലോകകപ്പിലേക്ക് വെസ്റ്റിന്‍ഡീസിന് സ്വാഭാവിക യോഗ്യത ലഭിയ്ക്കുന്നതിന് ഏറെ നിര്‍ണ്ണായകമാണ് ഈ പരമ്പര.
വെസ്റ്റിന്‍ഡീസ് സ്ക്വാഡ്: Shai Hope (captain), Jewel Andrew, Jediah Blades, Keacy Carty, Roston Chase, Matthew Forde, Justin Greaves, Amir Jangoo, Shamar Joseph, Brandon King, Evin Lewis, Gudakesh Motie, Sherfane Rutherford, Jayden Seales, Romario Shepherd
