റിച്ചാര്‍ഡ് പൈബസിന്റെ ഒഴിവിലേക്ക് താത്കാലിക കോച്ചായി മുന്‍ താരം ഫ്ലോയഡ് റീഫറെ നിയമിച്ച് വിന്‍ഡീസ് ക്രിക്കറ്റ് ബോര്‍ഡ്. ഈ വിവരം അടു്ത്തിടെ നിയമിതനായ ക്രിക്കറ്റ് വിന്‍ഡീസ് പ്രസിഡന്റ് റിക്കി സ്കെറിറ്റ് ആണ് വെളിപ്പെടുത്തിയത്. ലോകകപ്പിനു രണ്ട് മാസം മാത്രം അവശേഷിക്കെയാണ് റീഫറിന്റെ നിയമനം.
വിന്‍ഡീസിനായി 1997 മുതല്‍ 2009 വരെയുള്ള കാലഘട്ടത്തില്‍ ആറ് ടെസ്റ്റുകളും എട്ട് ഏകദിനങ്ങളും ഒരു ടി20 അന്താരാഷ്ട്ര മത്സരവുമാണ് റീഫര്‍ കളിച്ചിട്ടുള്ളത്.
