പരിക്കേറ്റ ഇംഗ്ലണ്ട് താരം ടോം അബെല്ലിന് പകരക്കാരനെ പ്രഖ്യാപിച്ച് ഇംഗ്ലണ്ട് ക്രിക്കറ്റ് ബോര്ഡ്. ബംഗ്ലാദേശിനെതിരെയുള്ള ഏകദിന പരമ്പരയിലേക്കുള്ള ടീമിലേക്ക് വിൽ ജാക്സിനെയാണ് അബെല്ലിന് പകരം പ്രഖ്യാപിച്ചിരിക്കുന്നത്. മാര്ച്ച് 1ന് ആണ് പരമ്പര ആരംഭിയ്ക്കുന്നത്.
ഇംഗ്ലണ്ടിന്റെ ടെസ്റ്റ് സ്ക്വാഡിനൊപ്പം ന്യൂസിലാണ്ടിലായിരുന്ന വിൽ ജാക്സ് ഉടന് ധാക്കയിലെത്തുമെന്നാണ് അറിയുന്നത്. ശ്രീലങ്കയിൽ ഇംഗ്ലണ്ട് ലയൺസിനൊപ്പം കളിക്കുകയായിരുന്ന ടോം അബെല് അവിടെ വെച്ചാണ് പരിക്കേൽക്കുന്നത്.
ബംഗ്ലാദേശിനെതിരെ കളിക്കുന്ന ടി20 സ്ക്വാഡിലും അബെൽ അംഗമായിരുന്നു.
