മുഹമ്മദ് അമീര്‍ വൈറ്റാലിറ്റി ടി ബ്ലാസ്റ്റിനായി കെന്റിനൊപ്പം ചേരും

- Advertisement -

ടി20 ബ്ലാസ്റ്റിനായി മുന്‍ പാക്കിസ്ഥാന്‍ താരം മുഹമ്മദ് അമീര്‍ എത്തുന്നു. കെന്റിന് വേണ്ടിയാകും താരം കളിക്കുക. ടൂര്‍ണ്ണമെന്റിന്റെ രണ്ടാം ഘട്ടത്തിലാവും താരം ടീമിനൊപ്പം ചേരുക. ഗ്രൂപ്പ് ഘട്ടത്തില്‍ കെന്റിന് വേണ്ടി ഏഴ് മത്സരത്തിലോളം താരം കളിക്കുമെന്നാണ് അറിയുന്നത്.

കെന്റ് നോക്ക്ഔട്ട് ഘട്ടത്തിലേക്ക് കടക്കുകയാണെങ്കില്‍ അതും കളിക്കാന്‍ താരം ഉണ്ടാകുമെന്നാണ് അറിയുന്നത്. പാക്കിസ്ഥാന്‍ സൂപ്പര്‍ ലീഗില്‍ കറാച്ചിയുടെ മുന്നേറ്റത്തെ ആശ്രയിച്ചായിരിക്കും കെന്റിനൊപ്പം താരം എന്ന് ചേരുമെന്നതില്‍ വ്യക്തത വരികയുള്ളു.

2020ല്‍ ആണ് താരം അന്താരാഷ്ട്ര ക്രിക്കറ്റില്‍ നിന്ന് വിരമിക്കുവാനുള്ള തീരുമാനം എടുത്തത്. 29 വയസ്സ് മാത്രമാണ് താരത്തിനായിട്ടുള്ളത്.

Advertisement