സെവാഗല്ല, അഫ്രീദിയാണ് ടെസ്റ്റ് ക്രിക്കറ്റിൽ ഓപ്പണിംഗ് പുനർനിർവചിച്ചതെന്ന് വസിം അക്രം

ഇന്ത്യൻ ഓപ്പണിങ് ബാറ്റ്സ്മാൻ വിരേന്ദർ സെവാഗ് അല്ല ടെസ്റ്റ് ക്രിക്കറ്റിൽ ഓപ്പണിങ് ബാറ്റിംഗ് പുനർനിർവചിച്ചതെന്ന് മുൻ പാകിസ്ഥാൻ താരം വസിം അക്രം. പാകിസ്ഥാൻ താരം ഷാഹിദ് അഫ്രിദിയാണ് ടെസ്റ്റ് ക്രിക്കറ്റിൽ ഓപ്പണിങ് ബാറ്റിംഗ് പുനർനിർവ്വചിച്ചതെന്നും വസിം അക്രം പറഞ്ഞു. ടെസ്റ്റിൽ ഓപ്പണറായി ഇറങ്ങി ബൗളർമാരെ തലങ്ങും വിലങ്ങും അടിക്കുന്നതിന് പേരുകേട്ട താരമാണ് മുൻ ഇന്ത്യൻ താരമായ സെവാഗ്.

ടെസ്റ്റ് ക്രിക്കറ്റിൽ സെവാഗ് വൈകിയാണ് എത്തിയതെന്നും 1999-2000 കാലഘട്ടത്തിൽ തന്നെ ഷാഹിദ് അഫ്രീദി ടെസ്റ്റ് ക്രിക്കറ്റിൽ ഓപ്പണിങ് ബാറ്റ് ചെയ്യുന്ന താരത്തിന്റെ മാനസികാവസ്ഥ മാറ്റിയെന്നും അക്രം പറഞ്ഞു. താൻ ബൗളറിയിരുന്നെങ്കിൽ പോലും എനിക്ക് അദ്ദേഹത്തെ പുറത്താക്കാൻ കഴിയുമായിരുന്നെങ്കിൽ പോലും അഫ്രീദിക്ക് അനായാസം ബൗണ്ടറികൾ നേടാൻ കഴിയുമായിരുന്നെന്നും അക്രം പറഞ്ഞു. അഫ്രീദി ടെസ്റ്റ് ക്രിക്കറ്റ് മോശം പന്തുകൾ അനായാസം സിക്സുകൾ അടിക്കുമെന്നും അക്രം കൂട്ടിച്ചേർത്തു.