ഇന്ത്യന്‍ ടീമിന് വിജയങ്ങള്‍ ശീലമാക്കിയ വിരാട് കോഹ്‍ലി ടെസ്റ്റ് ക്യാപ്റ്റന്‍സി ഒഴിഞ്ഞത് തന്നെ ഞെട്ടിച്ചുവെന്ന് പറഞ്ഞ് ഓസ്ട്രേലിയന്‍ ഇതിഹാസം റിക്കി പോണ്ടിംഗ്. ഇന്ത്യയിൽ ടെസ്റ്റുകള്‍ വിജയിക്കുന്ന ടീം മാത്രമായിരുന്നു വിരാട് കോഹ്‍ലിയ്ക്ക് മുമ്പുള്ള ഇന്ത്യയെന്നും അതിൽ മാറ്റം വരുത്തി വിദേശ വിജയങ്ങള്‍ വരുതിയിലാക്കിയത് കോഹ്‍ലിയുടെ നേതൃത്വത്തിലാണെന്നും അത്രയും നേട്ടങ്ങള്‍ കൊയ്ത ഒരാള്‍ ക്യാപ്റ്റന്‍സി ഒഴിഞ്ഞത് അത്ഭുതപ്പെടുത്തിയെന്നും പോണ്ടിംഗ് വ്യക്തമാക്കി.
വൈറ്റ് ബോള്‍ ക്രിക്കറ്റിൽ നിന്ന് പിന്മാറിയപ്പോളും താരം ടെസ്റ്റ് ക്യാപ്റ്റനായി തുടരുമെന്നാണ് താന്‍ കരുതിയതെന്നും അത്തരത്തിലാണ് ഐപിഎലിന്റെ സമയത്ത് സംസാരിച്ചപ്പോള്‍ താന്‍ മനസ്സിലാക്കിയതെന്നും ടെസ്റ്റ് ക്യാപ്റ്റന്‍സി താരത്തിന് ഏറെ ഇഷ്ടമുള്ള കാര്യമായിരുന്നുവെന്നും റിക്കി പോണ്ടിംഗ് വ്യക്തമാക്കി.
ഈ വാര്‍ത്ത കേട്ടപ്പോള്‍ തനിക്ക് ആശ്ചര്യം തോന്നിയെന്നും ഞെട്ടലുണ്ടായെന്നും പോണ്ടിംഗ് സൂചിപ്പിച്ചു.
