435 റൺസ് വിജയവുമായി തമിഴ്നാട്, അരുണാചലിനെ പുറത്താക്കിയത് 71 റൺസിന്

ആദ്യം ബാറ്റ് ചെയ്ത് എന്‍ ജഗദീഷന്റെയും സായി സുദര്‍ശന്റെയും ബാറ്റിംഗ് മികവിൽ 506/2 എന്ന സ്കോര്‍ നേടിയ തമിഴ്നാട് വിജയ് ഹസാരെ ട്രോഫിയിൽ തകര്‍പ്പന്‍ വിജയം നേടി. അരുണാച്ചൽ പ്രദേശിനെ 71 റൺസിന് ഓള്‍ഔട്ട് ആക്കി 435 റൺസിന്റെ പടുകൂറ്റന്‍ വിജയം ആണ് തമിഴ്നാട് ഇന്ന് നേടിയത്.

സിദ്ദാര്‍ത്ഥ് 5 വിക്കറ്റും രഘുപതി സിലംബരസനും മൊഹമ്മദും രണ്ട് വീതം വിക്കറ്റും നേടിയപ്പോള്‍ 28.4 ഓവറിൽ അരുണാച്ചല്‍ ഇന്നിംഗ്സ് അവസാനിച്ചു.